बाखंचा बारे सहलह

नेपालभाषाया न्हापांगु टेलिभिजन च्यानल, नेपालमण्डल टेलिभिजनय् क्यना वयाच्वंगु नेवाः टेलिफिल्म बाखंचायात कयाः थनया कोपुण्डोलय् च्वंगु सासा स्पा हेल्थ क्लबय् छगू सहलह ज्याझ्वः जूगु दु । झी मुनासः प्रा. लि.पाखें दयेकूगु बाखंचा सिरियलय् नेपालभाषाया नां जाःपिं बाखं च्वमिपिन्सं च्वयातःगु थी थी बाखनय् टेलिफिल्म दयेकाः क्यनावया च्वंगु दुसा उगु सहलह ज्याझ्वलय् साहित्यकार माधवलाल कर्माचार्यया थःछेँ बाखनय् थःछेँ हे नांयागु टेलिफिल्म क्यंगु खःसा उगु हे टेलिफिल्मयात कयाः सहलह ज्याझ्वः जूगु खः ।

झी मुनासःया सल्लाहकार एनेकपा माओवादिया महिला नेतृ हिसिला यमि नं झायादीगु उगु ज्याझ्वलय् आपालं संकिपाकःमि व संचारकःमिपिनिगु उपस्थिति दूगु खः । नेवाः जागरण संकिपा समितिया ग्वसालय् जूगु उगु ज्याझ्वलय् पाहांपिन्त लसकुस यायेगु झ्वलय् समितिया प्रमुख विजयरत्न असंबरेजुं नेवाः संकिपा ख्यःयात कयाः बहस व चर्चा न्ह्याकेगु थ्व ईया आवश्यकता जूगुलि थ्व पलाः निरन्तर रुपं न्ह्याका यंकेगु खँ कना दिल सा नेवाः जागरण मंचया नायः सुजिव बज्राचार्यजुं नेवाः संकिपायात अझ व्यापकता बिइगु तातुनाः थज्याःगु सहलह ज्याभ्mवः ज्याझ्वः न्ह्याकागु खः धासें नेवाः संकिपाया नितिं जागरण मंच न्ह्याबलें छपलाः न्ह्यःने वयाः ग्वाहालि याना च्वनेगु बचं बियादिल ।

ज्याझ्वलय् झी मुनासःया नकिं रुपा महर्जन श्रेष्ठ, बाखंचाया स्क्रीनप्ले च्वमि व सहायक निर्देशक उमेश स्थापित, नेपाल मण्डल टिभिया भाईकाजी महर्जन लिसें फोटोग्राफर राजभाई सुवाल, कलाकार व प्राविधिक पवित्र कसाः, कलाकार मंजु श्रेष्ठ व आशिष्मा नकःमि, संकिपा सम्पादक व निर्देशक माणिक उराय्, नेवाः फिल्म सोसाइटीया नायः प्रिनाराज जोशीपिन्सं नं बाखंचायात कयाः थः थःगु नुगः खँ प्वंकादीगु खः ।

More Stories Like this