निगू माओवादीया मजदुर दथुइ ल्वापु

एकीकृत नेकपा माओवादी व नेकपा–माओवादीया मजदुरत दथुइ टेकुसं च्वंगु श्रम विभागय् ल्वापु जुयाः गुम्ह घाःपाः जूगु दु ।

मजदुर संघ दर्ता यायेमखंगु त्वहः तयाः एकीकृत माओवादीं नेकपा–माओवादी निकट मजदुर दथुइ सांघातिक हमला यायेबलय् उपिं घाःपाः जूगु खः ।

उगु थासय् सम्भावित ल्वापु पनेगु नितिं आपालं ल्याखय् प्रहरी छ्यःगु खः । निगू मजदुरत दथुइ निन्हु न्ह्यः नं उगु विभागय् ल्वापु जूगु खः ।