सरकारया सच्छिन्हु पूवन

वर्तमान खिलराज रेग्मी नेतृत्वया सरकारं थःगु कार्यकालया सच्छिन्हु दिंसं थःम्हं यानागु उपलब्धी थौं सार्वजनिक याःगु दु ।

सरकारं थीथी ऐन कानुनया निर्माण व चुनावया तिथि घोषणायात थःगु मुख्य उपलब्धीया रुपय् न्ह्यब्वःगु दु ।

मन्त्रीपरिषद्या ज्याकुथिइ थौं ग्वसाः ग्वःगु पत्रकार सम्मेलनय् सरकारया प्रवक्ता लिसे सञ्चारमन्त्री माधव पौडेलं संवैधानिक व कानुनी सीमाया दथुइ नं सरकारं आपालं उपलब्धीपूर्ण ज्या याःगु जानकारी बियादीगु खः ।

प्रधानमन्त्री राहत कोष व दैवी प्रकोप उद्दार कोषया धेबा अप्वयेकेगु विषययात नं सरकारं मुख्य उपलब्धी जूगु जानकारी ब्यूगु खः ।