आधारभूत पत्रकारिता तालिम न्ह्याइगु

यल उपमहानगरपालिका, समाज कल्याण महाशाखाया ग्वाहालिइ व नेवाः पत्रकार राष्ट्रिय दबू यल कचाया ग्वसालय् तछलाथ्वः सप्तमि निसें आधारभूत तालिम न्ह्याःगु जुगू दु ।

नेवाः एजेण्डा राष्ट्रिय स्तरया संचार माध्यमय् स्थान काये मफुगुलिइ व संचार माध्यमय् नेवाःतय्गु पहुचता द्येकेगु तातुना थुगु आधारभूत पत्रकारिता तालिम बिइत्यंगु खँ ग्वासाः खलः कनादिगु दु ।

सन्ध्या टाइम्सया प्रधान सम्पादक भाजु सुरेशकिरण मानन्धर पाखें थुगु तालिम बिइत्यंगु खः । छवाः तक न्ह्याइगु थुगु तालिम समाज कल्याण महाशाखाया छेँ जुइ । तालिमया दुने प्रशिक्षार्थीतय्तं संचारया पृष्ठभूमि, रिवोर्टिङ्ग, समाजचार लेखन, सम्‍पादन, फिचर, न्यूज कोण, आचार संहिता व प्रेस कानुन थें जाःगु थीथी विषयस प्रशिक्षण बिइगु खँ ग्वासाः खलः कनादिगु दु ।

ज्याझ्वं छगु भाषा, छगु समुदाय दुने लिकुना च्वतलय् नेपाली पत्रकारिताया विकास जुइ मफइगु जुया समावेशी व विविधताया नीतियात कघाना नेपाल पत्रकार महासंघ न्ह्या वनेमाःगु माग याःगु खः ।

नेवाः पत्रकार राष्ट्रिय दबू यल कचाया नायः भाजु शुरज ब्यञ्जनकारया नायसुई न्ह्यागु उगु ज्याझ्वया उलेज्या मुपाहाँ कथं झयादिम्ह नेपाल समाचार पत्रया प्रधान सम्पादक व वरिष्ठ पत्रकार भाजु पुष्करलाल श्रेष्ठं यानाः दिगु खः । ज्याझ्वलय् अशोक श्रेष्ठ(वरिष्ठ अधिकृत समाज कल्याण महाशाखा), डण्ड गुरुङ्ग (नेपाल आदिवासी जनजाती पत्रकार महासंघया नायः), सुरेशकिरण मानन्धर (सम्पादक सन्ध्या टाइम्स) थःगु न्वचु तयादिगु खः ।

More Stories Like this