म्ये हालामि बराल क्यासिनोय् ज्वन
लोकह्वाःम्ह म्ये हालामि यम बराल क्यासिनोपाखें ज्वंगु दु ।
गस्तिइ वंपिं प्रहरीया पुचलं शुक्रवाः सुथसिया थ्यंमथ्यं न्याताः इलय् येँया लैनचौरय् च्वंगु मल्ल होटलया क्यासिनोय् जुवा म्हिताच्वंगु इलये म्ये हालामि बरालयात ज्वंगु प्रहरी प्रवक्ता केशव अधिकारीं धाःगु दु ।
अधिकारीया कथं म्य् हालामि बरालयात ज्वनाः दरवारमार्गय् च्वंगु प्रहरी प्रभागय् तःगु खःसा सनिलय् थप अनुसन्धानया नितिं हनुमानध्वाखा यंकूगु खः ।
प्रहरी प्रवक्ता अधिकारीया कथं नेपाःमित क्यासिनोय् वनेगु नितिं प्रतिबन्ध तयातःगु दु ।
