आर्मी गोर्खा कप फुटबलया फाइनलय्

नेपाल आर्मी क्लब येँय् न्ह्यानाच्वंगु गोर्खा कप फुटबलया फाइनलय् दुहांवंगु दु ।

बुधवाः येँय् जूगु न्हापांगु सेमीफाइनल कासाय् ब्वाइज युनियन क्लबयात स्वंगू गोलं बुकूसें न्हापांखुसी थुगु कपया उपाधि लिक्क थ्यंगु खः । उपाधिया नितिं आर्मीं आः ए डिभिजन लिग च्याम्पियन नापं निक्वः तकया विजेता थ्रीस्टार क्लब व मनांग मस्र्यांदी क्लब दथुइ जुइगु कासाया विजेता लिसे म्हिती ।

येँया दशरथ रंगशालाय् जूगु उगु कासाय् आर्मी १४ गूगु मिनेटय् राजु नेपालीया गोलपाखें न्ह्यःने लाःगु खः । न्हापांगु हाफय् आर्मीं ब्वाइज युनियनयात दबाबय् तःसां थप गोल धाःसा यायेमफूगु खः ।

तर निगूगु हाफया ५५ गूगु मिनेटय् राजकुमार विश्वासया गोलपाखें आर्मीया अग्रता निदुगं जूगु खः । आर्मीया लगातार निक्वःतकया प्रहार पनाबिउम्ह ब्वाइज युनियनया गोलरक्षक थ्व इलय् धाःसा चुके जूगु खः । कासाया ७० गूगु मिनेटय् नरेश मेचें गोल यायेवं आर्मी स्वंगू गोलं न्ह्यःने लाःगु खःसा वलिपा थप गोल मजुइवं आर्मी स्वंगू गोलं त्यासें फाइनलय् थःगु थाय् पक्का याःगु खः ।

More Stories Like this