एसएलसीया लिच्वः सार्वजनिक, ४१.७ प्रतिशत पास

परीक्षा नियन्त्रण ज्याकू सानो थिमिं एसएलसी परीक्षाया लिच्वः मंगलवाः पिथंगु दु । थुगुसी एसएलसी परीक्षाय् ४१ गू फुति न्हस प्रतिशत विद्यार्थी जक पास जूगु दु । वंगु चैतय् जूगु एसएलसी परीक्षाय् नियमितपाखे प्यंगू लख स्वीद्वः व ग्वीन्हय्म्ह व एक्जाम्टेडपाखे. छगू लख झिंन्हय्द्वः व ख्वीच्याम्ह यानाः मुक्कं न्यागू लख पीन्हय्द्वः व ख्वीन्याम्हेस्यां परीक्षा बिउगु खः ।
परीक्षाय् विशिष्ट श्रेणीइ १६ द्वः ९ सः व २४ म्ह, न्हापांगु श्रेणीइ ७६ द्वः १ सः व ६५ म्ह, निगूगु श्रेणीइ ६९ द्वः ८ सः व ३० म्ह व स्वंगूगु श्रेणीइ ५ द्वः व १६ म्ह पास जूगु दु ।

अथेहे एक्जाम्टेडपाखे विशिष्ट श्रेणीइ सु नं पास जूगु मदु । न्हापांगु श्रेणीइ सच्छि व १७ म्ह, निगूगु श्रेणीइ ५ द्वः ८ सः व ४८ म्ह व स्वंगूगु श्रेणीइ २ द्वः ३ सः व ५३ म्ह पास जूगु दु ।

थगुने जेठ ३१ गते एसएलसीया ल्च्विः सार्वजनिक याःगु खः । थुगुसीया एसएलसीया लिच्वः पत्रपत्रिकाय् पिमथनेगु परीक्षा नियन्त्रण ज्याकुथिं न्ह्यथंगु दु ।

परीक्षाया लिच्वः शिक्षा मन्त्रालयया www.moe.gov.np, शिक्षा विभागया www.doe.gov.np, परीक्षा नियन्त्रण ज्याकुथिया www.soce.gov.np, नेपाल टेलिकमया slc.ntc.net.np पाखें नं स्वयेगु व्यवस्था यानातःगु दु ।