फ्रेञ्च ओपनया नितिं निम्ह स्पेनिस कासामि दथुइ धेंधेंबल्ला जुइगु

साविक विजेता राफाइल नाडाल च्याक्वःखुसी फ्रेञ्च ओपन उपाधि त्याकाः न्हूगु कीर्तिमान तयेगु लँपुइ वंगु दु ।

स्पेनिस कासामि नाडालं न्यागू सेटया संघर्षपूर्ण कासाय् विश्व वरियताया शीर्ष कासामि नोभाक जोकोभिकयात बुकाः उपाधि लिक्क थ्यंगु खः ।

स्वंगूगु वरियताया कासामि नाडालं सर्वियन कासामि नोभाक जोकोभिकयात ६-४, ३-६, ६-१, ६-७ व ९-७ या ल्याखं बुकाः फाइनलय् थःगु थाय् पक्का याःगु खः । आः उपाधिया नितिं डेभिड फेररलिसे धेंधेंबल्ला याइ ।

सेमिफाइनलया निगूगु कासाय् स्पेनिस कासामि फेररं जो विलफ्रेड सोंगायात ६-१, ७-६ व ६-२ या सेटं बुकाः न्हापांखुसी फाइनलय् दुहांवनेत ताःलाःगु दु ।

More Stories Like this