सेरेना व सारापोभा फ्रेञ्च ओपन उपाधिया नितिं धें धें बल्ला याइगु

साबिक बिजेता मारिया सारापोभा व पुलांम्ह फ्रेञ्च ओपन च्याम्पियन सेरेना विलियम्स दथइ शनिवाः उपाधिया नितिं धें धें बल्ला याइ ।

रुसी कासामि सारापोभा भिक्टोरिया अजारेन्कायात बुकूसें उपाधि रक्षा यायेगु लँपुइ न्ह्याःवंगु खःसा अमेरिकी कासामि विलियम्स सारा इरानीयात बुकाः सन् २००२ लिपा उपाधि त्याकेगु झ्वलय् वंगु खः ।

सेरेना विलियम्सं सन् २००२ लय् थःहे तता भेनस विलियम्सयात बुकाः थुगु उपाधि त्याकूगु खःसा वलिपा न्हापांखुसी थुगु उपाधि त्याकेगु झ्वलय् न्ह्याःवनाच्वंगु खः ।

आःतक जूगु धेंधें बल्लाखय् सेरेनां १३ गू कासा त्याकूगु दुसा सारापोभां मुक्कं निगू जक कासा त्याकेत ताःलाःगु दु ।

More Stories Like this