शरीफ स्वक्वःखुसी पाकिस्तानया प्रधानमन्त्री

नवाज शरीफ पाकिस्तानया प्रधानमन्त्रीइ निर्वाचित जूगु दु ।

बुधवाः पाकिस्तानया राष्ट्रिय एसेम्बलीं शरीफयात दुई तिहाई बहुमतं प्रधानमन्त्रीइ ल्यःगु खः । स्वसः व पीन्मिह दुजः दुगु एसेम्बलीइ शरीफं निसः व पीप्यकू मत काःगु खः । पाकिस्तान पिपुल्स पार्टीया उम्मेदवार मख्दुर अमिन फहिमं पीनिकू व इमरान खानया पार्टी पाकिस्तान तहरिक ए इन्साफया जावेद हासमिं स्वीछकू मत काःगु खः । प्रधानमन्त्री जुइगु नितिं शरीफयात सच्छि व न्हय्निकू मत दुसा गाःगु खः ।

प्रधानमन्त्रीइ निर्वाचित जुइधुंकाः शरीफं लोकतान्त्रिक लँपुपाखें न्ह्याःवनेगुया विकल्प मदुगु धयादिल । पाकिस्तानया इतिहासय् सैन्य शासनकालयात इंगितयासें शरीफं लोकतन्त्रया लँपु बन्द याःबलय् संविधान व कानूनया सत्ताय् घाः लाःगु नं धयादीगु दु ।

More Stories Like this