नेवाःतय्सं मन्त्रीपरिषदया अध्यक्षयात ज्ञापनपौ लःल्हात, पिने धर्ना
नेवाः स्वायत्त राज्य मंकाः संघर्ष समितिं जेठ १८या भाषिक असमानताया हाकूगु न्हियात लुमंकाः प्रधानमन्त्री ज्याकू पिने धर्ना बिउगु दु । नापं उगु इलय् मन्त्रीपरिषदया अध्यक्ष खिलराज रेग्मीयात ज्ञापनपौ नं लःल्हाःगु खः ।
संघर्ष समितिया नायः मोहनबहादुर महर्जनं मन्त्रिपरिषद्या अध्यक्ष रेग्मीयात ज्ञापनपौ लःल्हासें आः जुइगु संविधानय् दक्व भाय् व जातिया अपनत्व व प्रतिनिधित्व सुनिश्चित यायेत संविधानसभाया दुजःया ल्याः म्हो ६०१ हे जुइमाःगु माग यानादिल ।
सर्वोच्च अदालतं २०५६ जेठ १८ गते स्थानीय निकायलय् मांभाय् छ्यलाबुला यायेमदुगु धकाः बिउगु फेसलाया विरोधय् नेवाः लगायत आदिवासी जनजातितय्सं जेठ १८ गतेयात हाकूगु न्हि कथं हनावयाच्वंगु दु ।
किपा : शैलेश शाक्य
