नुवाकोतय् न्हापाःगु लाखे प्याखँ धेधेबल्ला

Posted on Thu May 30, 2013 7:13 am NST

लाखे प्याखँ संरक्षण यायेगु ताःतुना बुधवाः नुवाकोतया ल्याकुलिइ लाखे प्याखँ धेधेबल्ला क्वचागु खः । नुवाकोत सम्पादा मञ्चया ग्वसालय् न्ह्याःगु उगु धेधेबल्लाखय् जिल्लाया १५म्ह पुचत ब्वति दुगू खः ।

थीथी थासय्या लाखे प्याखँ छगु थासय् हया व लाखे प्याखँलय् दुगू विविधता यात छ थाय् ब्वयेत नुवाकोत सम्पदा मञ्च ताःलाःगु खँ स्वकुमितय्सं प्वकंगु दु । धेधेबल्लाया न्हाःप जुइत ता लाम्ह नुवाकोत लाखे प्याखँ पुचयात १५००० अथेहे बेत्रावती लाखे पुचयात १००००, जालपा लाखे देविघाः पुचयात ५००० व बट्टर लाखे पुचयात ३००० द्येबाः सिरपा ज्याझ्वःया मुँपाहा नेवाः देय् दबूया नायः भाजु नरेश ताम्राकारं बियादिगु खः ।

उगु धेधेबल्ला नुवाकोत सम्पदा मञ्चया नायः भाजु श्यामसुन्दर श्रेष्ठया नायसुई जुगू खः । नापं धेधेबल्लाखय् गंगटे, मदानपुर, बेत्रावती, ढिकुरे, थानसिङ, बेलकोट, कविलास, देविघाट, रालुकादेवी, बट्टार, त्रिशूली, नुवाकोट व चतुराले पाखें ब्वति दुगू खः ।