विश्वन्यंक हन २५५७ क्वःगु बुद्ध जयन्ती
थौं नीन्यसः व न्यय्न्हय्क्वःगु बुद्ध जयन्ती, बौद्ध धर्मावलम्बीपिंसं थीथी ज्याझ्वः यानाः हंगु दु । बुद्धया जन्म, ज्ञान प्राप्ति, महापरिनिर्वाण छगू हे तिथिइ लाःगुलिं नेपाः लगायत विश्वया बौद्ध धर्मावलम्बीपिं बैशाख शुक्ल पूर्णिमाया दिं बुद्ध जयन्ती हनाः वयाच्वंगु खः ।
बुद्ध जयन्तीया लसताय् लाकाः झीगु मंकाः खलःपाखें थौं येँ ¥याली नापं पिकाःगु दु । लाजिम्पाटसं च्वंगु नील सरस्वतीपाखें पिहाँवःगु ¥यालीं नगरया थीथी थासय् परिक्रमा याःगु खः ।
नेपाःया लुम्बिनीइ जन्म जुयाः विश्वय् शान्ति, अहिंसा व सद्भावया सन्देश न्यंकूम्ह बुद्धया योगदान न्ह्यःथने बहःजु । विश्वन्यंक करोडौं मनूत बुद्ध धर्मया अनुयायी दु ।
लुम्बिनी, येँया स्वयम्भू व बौद्ध, किपू, यलया थीथी थाय्, ख्वप, काभे्रया नमोबुद्धय् बुद्ध जयन्ती धर्मालम्बीपिंसं झः झः धायेक हनेगु ज्या जूगु दु ।
स्वयम्भू, बौद्ध, नमोबुद्ध व लुम्बिनीइ बुद्धया लुमन्तिइ विशेÈ पुजा नापं जूगु दु । अबु शुद्धोधन व मां मायादेवीया कोखं शाक्यमुनि राजपरिवारय् जन्म जूम्ह सिद्धार्थ गौतमं नीगुदँया उमेरय् हे राजÈी सुखसयल त्याग यानाः शान्ति, अहिंसा व सत्यया लँपुइ न्ह्यःज्याना बिज्याःगु खः ।
लुम्बिनीया कपिलवस्तुसं च्वंगु तिलौराकोटय् जन्म जुयाः वय्कलं भारतया गयाय् बुद्धत्व प्राप्त यानाः बिज्याःगु खः ।
थ्वहे दथुइ, राष्ट्रपति डा.रामवरण यादवं बुद्ध जयन्तीया लसताय् भिंतुना सन्देश बियादिसें नीन्यासः व न्यय्न्हय्दँ न्ह्यः देय्या पवित्र भूमि लुम्बिनीइ जन्म जुयाः विश्वय् शान्ति, अहिंसा व मतिनाया सन्देश न्यंकेत ताःलाःम्ह गौतम बुद्धया उपदेश थौंया परिवेशय् अझ अप्वः सान्दर्भिक व जीवनपयोगी दुगु धयादीगु खः ।
अथेहे उपराष्ट्रपति परमानन्द झां बुद्धया उपदेशयात आत्मसात यायेफुसा राष्ट्र व विश्वय् हे बन्धुत्व सद्भाव व दीगो शान्तिया पलिस्था यायेफइगु खँ न्ह्यःथनादीगु खः ।
अथेहे मन्त्रिपरिÈद्या नायः खिलराज रेग्मीं बुद्ध जयन्तीया लसताय् भिंतुना बियादिसें राजनीतिक हिउपाःलिसे नेपाःया शान्ति प्रक्रिया विश्व राजनीतिइ न्ह्यःथने बहः जूगु खँ कुलादीगु खः ।
वय्कलं थौंया दिंसं शान्तिया सम्बाहक गौतम बुद्धपाखें मार्गनिर्देश जूगु शान्ति, मानवता, सेवाया सन्देशं झीसँ फुक्क नेपाःमिपिंत अभिप्रेरित यानाः राष्ट्रिय हित व सामाजिक समृद्धिया ज्याय् न्ह्यःज्यायेत फुक्कसित प्रेरणा चूलायेमाः धकाः मनंतुनादीगु खः ।
