नियात्रा साहित्य सहलह गोष्ठी क्वचाल

नःलि व प्रतिभा समाजया मंकाः ग्वसालय् शनिवाः नेपालभाषा नियात्रा साहित्यिक गोष्ठी जुल ।

नियात्रा साहित्य व यात्रा साहित्य दथुइ दुगु भिन्नतायात परिभाषित यासें उगु ज्याझ्वः क्वचाःगु खः । गोष्ठीइ नेपाल सरकारपाखें नेपालभाषाय् सहुलियत मबिउगु हुनिं नेपालभाषा विकास जुइमफुगुलिं नेपालभाषाया साहित्यकारपिंसं रचनात्मक ढङ्ग नं आन्दोलन यानाः ल्वाये माःगु बिचाः प्वंकुगु दु । नापं उगु ज्याझ्वलय् वरिष्ठ साहित्यकार मथुरा साय्मिया 'ह्याउँ मिला' सफू पितब्वज्या नं जुगू खः ।

नःलिया सम्पादक नरेशवीर शाक्यया नायसुई न्ह्याःगु उगु ज्याझ्वलय् राजेन मानन्धरपाखें ज्यापौ न्ह्यः ब्वयादीगु खःसाः मोहन दुवालं टिप्पणी यानादीगु खः ।

More Stories Like this