संघर्ष समितियात 'नेवाः अधिकार सिरपाः'
नेवाः न्ह्यलुवाः डा. महेशमान श्रेष्ठया इहिपा जूगु ५०दँ क्यंगु लसताय् नीस्वंगु 'नेवाः अधिकार सिरपाः' नेवाः स्वयात्त राज्य मंकाः संघर्ष समितियात लःल्हाःगु दु ।
नेवाः अधिरका सिरपाः गुथिं सोमवाः अक्षय तृतिया कुन्हु याःगु छगू ज्याझ्वलय् मूपाहां जनकिव दुर्गालाल श्रेष्ठं संघर्ष समितिया नायः मोहनबहादुर डंगोलयात सिरपाः लःल्हानादीगु खःसा सिरपाःया दाता डा. महेश मान श्रेष्ठं सिरपाः राशी २५,००० तकाया चेक लःल्हानादीगु खः।
'नेवाः अधिकार सिरपाः' नेवाः स्वायत्त राज्य प्राप्तिया आन्दोलनय् सक्रिय व्यक्ति वा संस्थायात बीगु ल्याखं थुगुसी तिनि पलिस्था याःगु खः ।
किपा : रत्न महर्जन
