स्वीस्वंगू दलया नेपाल बन्द नं लितकाल

वर्तमान सरकारया विरुद्ध आन्दोलनय् दुगु नेकपा–माओवादी लगायत स्वीस्वंगू दलं कन्हय्या नितिं इनाप याःगु नेपाल बन्द लित काःगु दु ।

कन्हय् बुंगद्यःया जात्राया नापनापं अक्षय तृृतिया नापं लाःगुलिं सर्वसाधारण जनतायात ज्यामछिं मजुइमा धकाः बन्द लित काःगु उमिसं जानकारी ब्यूगु खः ।

आन्दोलनकारी स्वीस्वंगू दलीय संयुक्त मोर्चायापाखें नेकपा–माओवादीया छ्याञ्जे देव गुरुङं थौं छगू विज्ञप्ती पिकया बन्द ज्याभ्mवः लित कयाःगु जानकारी ब्यूगु खः ।

खिलराज रेग्मी नेतृत्व सरकारया विघटन जुइमाःगु, चैत १ गते राष्टपतिं पिकाःगु नीन्यागू बु‘दे बाधा अड्काउ फुकाउ आदेश खारेज जुइमाःगु व विवादास्पद छबिया पूर्व मूछ्याञ्जे लोकमान सिंह कार्कीयात अख्तियार प्रमुखय् याःगु नियुक्ति बदर यायेमाःगु माग यानाः स्वीस्वंगू दलं कन्हय्या नितिं बन्दया इनाप याःगु खः ।

बन्द ज्याभ्mवः लित काःसां नं मेमेगु संघर्षया ज्याभ्mवःत धाःसा यथावत जुइगु गुरुङं जानकारी बियादीगु दु । उमिसं वैशाख ३१ गते सुथय् गुताः इलंनिसें झिंछताः ईतक्क अख्तियार दुरुपयोग अनुसन्धान आयोगया ज्याकू न्ह्यःने विरोध प्रदर्शन यायेगु ज्याभ्mवः नापं क्वःछ्यूगु दु ।

नापनापं, जेठ १ गतेनिसें न्ह्यायेत्यंगु मेची–काली राष्ट्रिय स्वाधीनता अभियान ज्याभ्mवःया समर्थनय् फुक्क जिल्ला सदरमुकामय् जनसभाया ग्वसाः ग्वयेगु व जेठ १४ गते राष्ट्रिय स्वाधीनता अभियानया समापन ज्याभ्mवः येँया खुुलामञ्चय् बृहत जनप्रदर्शन लिसे यायेगु जानकारी ब्यूगु दु ।