कन्हय्या नितिं इनाप याःगु नेपाल बन्द लितकाल

जनआन्दोलन बिरोधी शाहीकालीन मूछ्याञ्जे लोकमानसिंह कार्कीयात अख्तियार प्रमुख दयेकूगु बिरोधय् आन्दोलनरत झिंस्वंगू विद्यार्थी संगठनं कन्हय्या नितिं इनाप याःगु नेपाल बन्द लित काःगु दु ।

निरन्तरया बन्दं जनजीवन कष्टकर जूगु लिसे वइगु स्ववियु निर्वाचनय् लिच्वः लाइगु जूगुलिं बन्द लित काःगु उमिसं जानकारी ब्यूगु खः ।

एमाले निकट अनेरास्वबियुया ज्याकुथिइ थौं च्वंगु झिंस्वंगू बिद्यार्थी संगठनतय्गु बैठकं आन्दोलनया मेमेगु ज्याझ्वःत निरन्तरता बियाः बन्दयात धाःसा लित काःगु खः ।

आन्दोलनरत स्वीस्वंगू दलीय मोर्चां सोमवाःया नितिं इनाप याःगु बन्दयात समर्थन यायेगुकथं कन्हय्या बन्द धाःसा लित कयाःगु अखिल क्रान्तिकारीया नायः शरद रसाईलीं जानकारी बियादीगु खः ।