फोटो पत्रकारिता दिवस

थौं फोटो पत्रकारिता दिवसया लसताय् फोटो पत्रकारतय्सं थीथी ज्याझ्वःया ग्वसाः ग्वयाः हनाच्वंगु दु । दिवसया लसताय् राष्ट्रिय फोटो पत्रकार समूहं सुथय् येँया भृकुटीमण्डपय् नसंचा उलेगु ज्या याःगु दु ।

वि.सं. १९८४ बैशाख १३ गते वीरगञ्जया सूर्यमती श्रेष्ठं थःगु कपाय्या क्यबय् च्वना कामधेनु चर्खां सुकाः चानाः च्वंगु फोटो न्हापांगु खुसिइ गोरखापत्रय् छापय् जूगु दिंयात फोटो पत्रकारिता दिवसया रुपय् हनाः वयाच्वंगु खः ।

अथेहे थौं हे विश्व बौद्धिक सम्पत्ति दिवसया लसताय् संगीत रोयल्टी संकलन समाजं 'बौद्धिक सम्पत्तिया संरक्षण व सम्बद्र्धनय् झीगु ऐक्यबद्धता, श्रष्टाया सम्मान व सिर्जनाया रोयल्टीइ झीगु प्रतिबद्धता' धइगु मू नारालिसे येँ नसंचा उलेगु ज्या याःगु खः ।