नेवाः देय् दबू सुर्खेतया तःमुँज्या क्वचाल
नेवाः देय् दबू जिल्ला कार्य समिति सुर्खेतया निक्वःगु त:मुँज्या क्वचा:गु दु । वंगु चौलाथ्वः दशमी कुन्हु सुर्खेतय् उगु तःमुँज्या क्वचाःगु खः ।
नेवाः देय् दबू जिल्ला कार्य सतिति सुर्खेतया नायः जीवन कुमार शाक्यया नायसुई न्ह्याःगु उगु ज्याझ्वःलय् नेवाः देय् दबूया नायःनरेश ताम्राकार मुपाहाँ कथं झायादिगु खः ।
ज्याझ्वःयात सम्वोधन यानादिसें नेवाः देय् दबूया नायः नरेश ताम्रकारं पहिचान दुगू राज्य दत धाःसा नेवाः राज्य दुने व नेवाः राज्य पिने च्वंपि सकल नेवाःतय्गु पहिचान नापं भविष्य सुनिश्निचित जुइगु व संकल नेवाःत झोले राजनिति त्वःता थःगु राजनितिक आस्था दुगू राजनितिक पार्टी दुने सघर्ष यानाः नीति निर्माण यायेगु थासेय् तक थ्यनेमाःगु खँ कनादिगु खः ।
त:मुँज्यां जीवन कुमार शाक्यया नायःसुइ १३म्ह सदस्यीय न्हुगु कार्य समिति निस्वंगु दु । कार्यसमितिइ तीला श्रेष्ठ न्वकु, लवमान श्रेष्ठ छ्याञ्जे, राजनप्रकाश शाक्य दांभरी, मीलन श्रेष्ठ,सरोज श्रेष्ठ, शशिभुषण मानन्धर, शुरेस मानन्धर, नन्दा श्रेष्ठ, उर्मीला श्रेष्ठ रेखा श्रेष्ठ दुजः कथं ल्य:गु दु ।
उगु ज्याझ्वःलय् नेवाः देय् दबूया न्वकू दिपक शाक्य व दुजः यशोदा श्रेष्ठया नं ब्वति दुगू खः ।
News Location:
More Stories Like this
कन्याम इलामय् नेपालभाषा कक्षा न्ह्यात धिमे बाजं व भाषा प्रशिक्षण ज्याझ्वः क्वचाल थुर्पुय् स्वक्वःगु लाखे प्याखँ धेधेबल्ला ओखलढुंगाय् नेपालभाषा कक्षा क्वचाल नेवाः देय् दबू ओखलढुंगा तदर्थ समिति स्वन
