दिल्लीइ नेपाःमि मिसाया सामुहिक बलात्कार

दिल्लीइ छम्ह नेपाःमि मिसाया सामुहिक बलात्कार जूगु दु । वुधवाः जूगु उगु घटनाय् स्वम्ह मिजंतय्‌सं छगः कारय् उम्ह मिसायात बलात्कार यानाः दक्षिण दिल्लीया नानकपुर गुरुद्वारलिक्क वानातःगु अवस्थाय् बिहिवाः लुइकूगु खः ।

नीदँ दुम्ह मिसा अचेत अवस्थाय् लुइधुंकाः सफ्दरजञ्ग अस्पताल यंकूगु खः । आः वयागु अवस्था खतरा मुक्त जूगु तर पूरा रुपं स्वास्थ लाभ मजूनिगु खँ धाःगु दु । बलात्कार जूम्ह मिसा लच्छि निलाति न्ह्यः छम्ह नेपाःमि मिजंनाप ब्याहा जुयाः दक्षिण दिल्लीइ च्वनाच्वंगु धाःगु दु ।