ब्यांचुलि सांस्कृतिक पुचःपाखें सिक्किम नेवाः गुथियात हन
येँय् झायाच्वनादीपिं सिक्किम नेवाः गुथिया पदाधिकारीपिंत किपूया ब्यांचुलि साँस्कृतिक पुचलं बुधवाः हंगु दु । भारतया सिक्किमलिसें मेमेगु थासय् नं नेवाः भाय्, कला, संस्कृति, संस्कारयात प्रचार प्रसारय् योगदान याना वया च्वंगुलिं थुगु संस्थायात हंगु खः ।
सुथय किपुलिइ थ्यंकःझाःपिं सिक्किम नेवाः गुथिया पदाधिकारीपिंत धिमय् थाना लसकुस याःगु खः । धिमय् नापंतुं छगू ¥याली यासें किपूया थीथी थासय् भ्रमण याकूगु खः ।
¥याली क्वचायेकाः जूगु हना ज्याझ्वःय् नेवाः परम्पराकथं खेँय् सगंबिया हंगु खःसा हनापौ नं देछाःगु खः । ब्यांचुलि साँस्कृतिक पुचःया नायः भाजु लक्ष्मीकुमार महर्जनया सभापतित्वय् जूगु ज्याझ्वलय् मू पाहाँकथं किपू नगरपालिकाया कार्यकारी अधिकृत भाजु रामलाल श्रेष्ठ झायादीगु खः । सिक्किम व नेपाःया समन्वय यानाच्वनादीम्ह भाजु गणेशराम लाछि, किपू नगरपालिकाया प्रथम निर्वाचित मेयर भाजु हिराकाजी महर्जन, सिक्किम नेवाः गुथि, सेन्टर कमिटीया नायः भाजु आर.के. प्रधानजुं न्ववानादीगु ज्याझ्वलय् भाजु काजिराम मालाकारं लसकुस यानादीगु खःसा भाजु ज्ञानकुमार महर्जनं ज्याझ्वः न्ह्याकादीगु खः ।
