नेपालमण्डल फाउण्डेशनपाखें सिक्किम नेवाः गुथियात हन

नेपालमण्डल फाउडेशनया ग्वसालय् मंगलवाः थनया क्षेत्रपाटी पालेसया हलय् सिक्किम नेवाः गुथियात लसकुस यासें हंगु दु । नेवाः देय् दबूया नायः भाजु नरेश ताम्राकारया मू पाहाँसुइ न्हयाःगु ज्याझ्वलय् नेवाः परम्परा कथं खेँय् सगंबिया हंगु खः । नेपालमण्डल डटकमया भाजु जुजुमान महर्जनया सभापतित्वय् जूगु थुगु ज्याझ्वलय् हनापौ नं देछाःगु खः ।

सिक्किम व नेपाःया दथुइ समन्वय याना च्वनादीम्ह भाजु गणेशराम लाछि, नेवाः देय् दबूया नायः नरेश ताम्राकार, सिक्किम नेवाः गुथि केन्द्रीय कमिटीया नायः भाजु आर.के. प्रधानं न्ववानादीगु ज्याझ्वः फाउण्डेशनया दुजः भाजु राजु नापितं न्ह्याकादीगु खः ।

हना ज्याझ्वः क्वचायेवं नेवाः पत्रकार राष्ट्रिय दबूया पदाधिकारीपिंलिसें अन्तरक्रिया ज्याझ्वः जूगु खः । अन्तरक्रिया सिधयेवं नेवाः देय् दबूपाखें नेवाः भ्वय् ज्याझ्वः जूगु खः ।

भारतया सिक्किमं नेपाः झाया च्वनादीपिं सिक्किम नेवाः गुथिया पदाधिकारीपिंत थ्व इलय् नेपाःया थीथी संघ संस्थापिंस लसकुस यासे हनाच्वंगु दु ।

म्हीग काकडभित्ताय् थ्यंकझाःपिं सिक्किम नेवाः गुथिया पदाधिकारीपिंत काकडभित्ता, झापा, इटहरीया थीथी नेवाः संघसंस्थापिंस लसकुस यासें हंगु खः । सिक्किम नेवाः गुथि केन्द्रीय कमिटीया नायः भाजु आर.के. प्रधानया नेतृत्वय् २२ म्हेसियागु टोलि म्हिगः सुथय् येँय् थ्यंकादीगु खः ।

नेपाः झायादीपिं पाहांपिं थुकथं दु
१ भाजु आर.के. प्रधान प्रेसिडेन्ट, सिक्किम नेवाः गुथि, केन्द्रीय कमिटी
२ मय्जु पूर्ण प्रधान
३ भाजु दुर्गा प्रसाद श्रेष्ठ भाइस प्रेसिडेन्ट, सिक्किम नेवाः गुथि, केन्द्रीय कमिटी
४ मय्जु कल्पना प्रधान भाइस प्रेसिडेन्ट, सिक्किम नेवाः गुथि, केन्द्रीय कमिटी
५ भाजु प्रद्युम्न श्रेष्ठ सदस्य, सिक्किम नेवाः गुथि, केन्द्रीय कमिटी तथा प्रेसिडेन्ट, ग्यान्तोक गुथि
६ मय्जु सुभद्रा श्रेष्ठ
७ भाजु प्रताप प्रधान सदस्य सिक्किम नेवाः गुथि, सेन्टल कमिटी तथा विशेष सचिव, सिक्किम सरकार
८ भाजु अजित प्रधान सदस्य, सिक्किम नेवाः गुथि, सेन्टल कमिटी तथा प्रेसिडेन्ट, रिनक डिभिजन, ई. सिक्किम सरकार
९ भाजु जसलाल प्रधान सदस्य, ओलम्पिक मेडलिष्ट इन बक्सिड, अर्जुना अवार्ड अफ इण्डिया
१० मय्जु रमला प्रधान
११ भाजु योगेन्द्र प्रधान सचिव, नर्थ सिक्किम गुथि
१२ भाजु सुमन प्रधान सदस्य, सिक्किम नेवाः गुथि, केन्द्रीय कमिटी
१३ भाजु प्रेम नारायण प्रधान सदस्य, सिक्किम नेवाः गुथि, केन्द्रीय कमिटी
१४ भाजु जे.बि. प्रधान प्रेसिडेन्ट, मल्ली डाडा गुथि
१५ डा. डि.के. प्रधान प्रेसिडेन्ट नाम्चि गुथि
१६ भाजु दया प्रधान प्रेसिडेन्ट, डेन्ताम गुथि
१७ मय्जु हरिमाया प्रधान
१८ भाजु देवकृष्ण प्रधान सदस्य सचिव, पाक्योड गुथि
१९ ई. भाजु राविन्द्र मास्के प्रधान नाम्ची
२० भाजु गणेश प्रधान रिनक
२१ मय्जु तारा प्रधान
२२ मय्जु दुर्गा कसःजु