रामशेखर हनाया नितिं तयारी न्ह्यात

नेवाः जागरण मञ्चया पहलय् नीस्वंगु झी कलाकार रामशेखर नकःमि हना ज्याझ्वः समितिया न्हापांगु मु“ज्या वंगु सोमवाः समितिया कजि राजेन्द्रमान शाक्यया सभापतित्वय् च्वंगु दु ।

मुँज्यां समितिया दुजःपिन्त थीथी भाला बिसें हना ज्याझ्वःया तयारी न्ह्याकूगु दु । रामशेखरया नुगःख“ सफू पिथनेगु भाला समितिया उपसंयोजक विजयरत्न असंबरेयात ब्यूगु दुसा वय्कः रामशेखर सीडी पिथनेगु भाला दुजः विराजकाजी राजोपाध्याययात ब्यूगु दु । थुकथं हे रामशेखरया कलर किपा पिकायेगु, विशेषांक पिकायेगु भाला दर्शनवीर शाक्य, सञ्चार समन्वय व प्रचारप्रसारया भाला दुजःपिं बिराजकाजी राजोपाध्याय, दर्शनवीर शाक्य, सुरेश स्थापित, रत्नकाजी मन, मोटरसाइकल ¥यालीया भाला दुजःपिं भोगेन्द्र मानन्धर, आशिष्मा नकःमियात ब्यूगु दु ।

अथेहे भाषा ख्यःया विशिष्ट व्यक्तित्वनाप समन्वय यायेगु भाला सल्लाहकार मल्ल के. सुन्दर, उद्योगी व्यापारी, राजनीतिक पार्टीलिसेया समन्वयया भाला राजेन्द्रमान शाक्य व सल्लाहकार सुजीव बज्राचार्ययात, संकिपा ख्यःया विशेष व्यक्तित्वपिंनाप समन्वय यायेगु भाला सचिव सुरेन्द्र तुलाधरयात, ख्वप देय्या विशेष समन्वयया भाला राजेन्द्रमान शाक्ययात, मिसा पुचःया समन्वयया भाला दुजः नगिना जोशीयात बीगु क्वःज्यूगु दु । थुकथं हे आर्थिक व्यवस्थापन यायेगु भाला सल्लाहकार सुजीव बज्राचार्य, दुजःपिं राजीव राजोपाध्याय व रवि महर्जनयात ब्यूगु दु ।

रामशेखर हनेगु ज्याझ्वःया प्रस्तावित मिति असार १ गते क्वःछ्यूगु दु । थुकथं हना ज्याझ्वः तयारीया नितिं भाला काःपिसं भेला, बैठक वइगु जेष्ठ २३ गते दुने क्वचायेकाः २५ गते ज्याझ्वः सार्वजनिक यायेगु क्वःछ्यूगु दु । लिसें रामशेखरयात हनेगु नितिं विभिन्न संघसंस्थायात सार्वजनिक इनाप यायेगु नं क्वःछ्यूगु दु । उगु मु“ज्याय् समितिया सल्लाहकार लिसें जागरण मञ्चया नायः सुजीव बज्राचार्यया उपस्थितिइ जूगु खः ।

नेपालभाषाया कला साहित्य व संस्कृति ख्यलय् रामशेखर नकःमि जीवन जःछि यानादीगु योगदानयात कयाः वय्कःयात तःजिक हनेगु नितिं समारोह समितिं थीथी ज्याझ्वःत यायेगु नं क्वःछ्यूगु दु । वय्कः छम्ह साहित्यकार जूगु ल्याखं हना ज्याझ्वः समितिं साहित्यिक ज्याझ्वः नं यायेगु निर्णय याःगु दु ।