नायः दिवस खारेज यायेमाःगु छाय् ?
राष्ट्रिय खड्गी समाज
खड्गी जातिया आधिकारिक व रुपान्तरित संस्था नेपाल राष्ट्रिय खड्गी समाज केन्द्रीय तदर्थ समितिया न्हापांगु बैठकं (२०६९ चैत्र ५) ‘नायः दिवस’ खारेज यायेगु निर्णय याःगु जुल । अथे यायेमाःगुया सैद्धान्तिक व व्यवहारिक कारणत थुकथं दु ।
मुक्कं नेवाः जाति राज्यपाखें थीथी कथं उत्पीडनय् लानाच्वंगु अवस्थाय् नेवाः जाति दुनेया जात पतिकं थःथःगु दिवस हनेगु धइगु छगू कथं ‘फुटाउ र राज गर’ धइगु नीतियात अनुमोदन यायेगु थें जुइगु जूगुलिं थुकियात झीसं नाले मज्यू ।
ब्रम्हुवादी राज्य सत्तां फुक्क नेवाःतय्त छथाय् तयाः उत्पीडन क्वचिनिगु तर झी नेवाःत धाःसा थवं थवय् थीथी नामं दिवस हनाः न्ह्याःवने बलय् उकिं अन्ततः झीगु राष्ट्रिय मुक्ति आन्दोलन (National Liberation Movement) यात कमजोर याइगुलिं ।
नेवाःतय्गु जनसंख्या अथें नं म्हो जक दु । उकि मध्ये नं दुपिं दक्वं छप्पँछधि जुयाः थःगु अधिकारया निंतिं न्ह्याःवनेमाःगु इलय् थज्याःगु जातीय संकीर्णवादी ज्यां ‘नेवाः नेवाः छवाःया नारा’ यात नकारात्मक लिच्वः लाकिगु जूगुलिं ।
छुं जात विशेषया नामय् दिवस हनेगु नीतिगत रुपं पाय्छि मजूगु खँ ला थःगु थासय् दु । गन तक पाहाँचर्हेया सवाल दु, थ्व छगू येँय्या सिमित लागाया सिमित नेवाःतय्गु जक नखः जूगुलिं थुकिं फुक्व नेवाःतय्गु ला खँ हे त्वःति नायः (खड्गी) तय्त नं कःघाइ मखुलिं ।
थुगु सैद्धान्तिक व व्यवहारिक कारणं यानाः छुं नं जाति विशेषं थथे थःगु जातिया नामं दिवस हनेगु पाय्छि मताः धइगु निष्कर्ष नेपाल राष्ट्रिय खड्गी समाजया खः । अथे जूगुलिं छुं छगू जातिया नामं दिवस हनेगु स्वयां मुक्कं नेवाःतय्गु प्रतिनिधित्व जुइ कथंया दिवस हनेगु थौंया आवश्यकता खः । मेता खँ थौंया देय्या वर्तमान राजनीतिक कारणं यानाः नं छगू जातिं संकीर्ण बिचाः तयाः दिवस हनेगु स्वयां नं नेवाः त छप्पँछधि धकाः क्यनेगु थौंया आवश्यकता खः ।
Related Stories
नायः दिवसय् गुथि नं ब्वति मकाइगुMore Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
