नायः दिवसय् गुथि नं ब्वति मकाइगु
दिलिप शाही
वंगु छुं दँ न्ह्यःनिसें छगू जातीय संकीर्णता न्ह्यब्वइगु कथं न्ह्याकाच्वंगु नायः दिवस आवंलि महनेगु निर्णय नेपाल राष्ट्रिय खड्गी समाजं वंगु शनिवाः क्षेत्रपार्टी पार्टी प्यालेसय् जूगु ज्याझ्वलं याःगु दु ।
खड्गी समाजया सामाजिक एकता व सांस्कृतिक म्हसिकायात ल्यंका तयेगु ज्याय् मूवंगु भूमिका म्हिता वयाच्वंगु खड्गी समुदायया गुथियात हनापौं देछायेगु व खड्गी एकता राष्ट्रिय भेलाया निंतिं थीथी कथंया ग्वाहाली यानादिइपिंत सुभाय् पौं देछायेगु ज्याझ्वःलय् उगु निर्णय याःगु खः ।
समाजया मूछ्याञ्जे नन्दकिशोर शाहीं खड्गी समुदाय नेवाः समाजया हे छगू अंग जूगुलिं थज्याःगु छगू जातीय संकीर्णता न्ह्यब्वइ कथंया गतिविधियात पनेमाःगु खँय् बः बिसें तयादिइगु उगु प्रस्तावयात स्वनिगःया सछि व नीगु स्वयां अप्वः दुथ्याःगु गुथिया प्रनिधिनिपिंसं लसकुस यासें आवंलि अज्याःगु दिवसया नामय् जुइगु गुगुं नं कथंया ज्याझ्वःलय् ब्वति मकायेगु निर्णय याःगु खः ।
समाजया दुजः दिलिप शाहीं लसकुस यानाः न्ह्याःगु उगु ज्याझ्वः समाजया संयोजक जोगरत्न खड्गीया नायसुई जूगु खः । ज्याझ्वःलय् वरिष्ठ द्वन्द्व निर्देशक राजेन्द्र खड्गी, चर्चित संगीतकार अनिल शाही लगायत समाजया पदाधिकारीपिंसं गुथिया प्रतिनिधिपिंत हनापौ व सुभाय् पौ लःल्हानादिगु खः ।
News Location:
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
