राष्ट्रपति ओबामां माफी फ्वन

क्यालिफोर्नियाया महान्यायाधिबक्ता कमला ह्यारिसयात बांलाः धकाः सम्बोधन याःगुलिं आलोचित जुयादीम्ह अमेरिकाया राष्ट्रपति बाराक ओबामां अन्ततः माफी फ्वंगु दु । ओबामां ह्यारिसयात पुलांम्ह, चीधिकःम्ह व देशया दक्कलय् बांलाःम्ह महान्यायाधिबक्ता धयादीगु खः ।

ह्यारिसया प्रबक्ताया कथं कमला ओबामाया कट्टर समर्थक खः, अथेखःसां नं ह्यारिसं ओबामाया माफी स्वीकार याःगु वा मयाःगु खँय् छुं नं धाःगु मदुनि ।

वंगु विहिवाः क्यालिफोर्नियाय् जूगु छगू ज्याझ्वलय् राष्ट्रपति ओबामालिसें महान्यायाधिबक्ता ह्यारिसं नं ब्वति कयादीगु खः । ह्यारिस लिपा ज्याझ्वःयात सम्बोधन यायेगु झ्वलय् अमेरिकाया दक्कलय् बांलाःम्ह अर्टोनी जनरल धाःगु खः ।

ज्याझ्वःलिपा सामाजिक सञ्जाल व ब्लगय् ओबामाया तसकं आलोचना जूगु खः । शुक्रवाः ह्वाइट हाउसं पिथंगु बक्तब्यय् राष्ट्रपतिं ह्यारिसलिसे खँ ल्हानागु व थःगु धापूयात कयाः माफी फ्वंगु न्ह्यथनातःगु दु ।

More Stories Like this