थनिनिसें "यल महोत्सब" न्ह्यात
थनिनिसें "यल महोत्सव" न्ह्याःगु दु । यलध्वाखापाखें विहिवाः सुथय् थी थी साँस्कृतिक झाँकि लिसें राय्ली पिथनाः नगरया थी थी भागय् चाःहिउसें मंगलबजाः थ्यंकाः मू ज्याझ्वः याःगु खः ।
"कला, संस्कृति व सम्पदा झीगु सभ्यता, सामाजिक आर्थिक विकासया नितिं यल महोत्सब" धइगु नाराया लिसें थुगु महोत्सब न्ह्याःगु खः । ज्याझ्वः यलया कुमारी समीता बज्राचार्यपाखें उलेज्या यानाबिज्याःगु खः ।
यल उप महानगरपालिका, ललितपुर उद्योग बाणिज्य संघ, ज्यापु समाज लिसें थी थी मंकाः ग्वसाः दुगु उगु महोत्सवय् स्थानीय संस्कृति, प्राकृतिक श्रोत साधन, न्हनावनेत्यंगु बाजंया संरक्षण व संबद्र्धन यायेत महोत्सबं महत्वपूर्ण भूमिका म्हितीगु ग्वसाः खलकं न्ह्यथंगु दु ।
यलया त्वाः त्वाः पतिकं यानाः थ्यंमथ्यं द्वःछिगु स्टलत दुगु उगु महोत्सबय् मंगःया भण्डारखालय् जक थ्यंमथ्यं निसःगू ब्यापारिक स्टलत तयातःगु दु । थुगु महोत्सब चैत्र २१ गते तक न्ह्याइ ।
