रामशेखर नक:मियात जागरण मञ्चं हनीगु
विजय रत्न असंबरे
नेवाः जागरण मञ्चया कचा संकिपा समितिया ग्वसालय् नांजाःम्ह कलाकःमि रामशेखर नकःमियात तःजिक हनीगु जूगु दु ।
नेपालभाषाया नाट्य ख्यलय् अभिनेता, निर्देशक व च्वमिया कथं न्यय् दँ न्ह्यवंनिसें मदिक्क पलाः न्ह्याका वयाच्वंम्ह रामशेखर नकःमियात तःजिक हनेगु निंतिं ग्वसाः खलः दयेकेत थ्वहे वइगु सनिवाः सुथय् नेपाः ब्याङ्क्वेटय् छगू भेला याइगु जूगु दु । उगु भेलाय् स्वनिगः दुनेया यल, किपू, ख्वप, येँ लगायत लागाया कलाकःमि, साहित्यकार व भाषा ह्यमिपिनिगु उपस्थिति जुइगु खँ नेवाः जागरण संकिपा समितिं धाःगु दु।
रामशेखरजुं आपालं नाटक, संकिपा, ख्यालः च्वयादीगु दुसा 'यः बाः जितः नं काः वा' लगायत नाटक अले 'पःखाः', चकना लगायत आपालं संकिपाय् च्वज्या, निर्देशन व अभिनय यानादीगु दु । छुं न्हि न्ह्यः आकाझाकां म्हं मफयाः काठमाडौं मोडेल अस्पतालय् वासः याकाः थौंकन्हय् चागः येँ स्वास्थ्य लाभ यानाच्वनादीम्ह वय्कःया हनेज्याझ्वलय् वय्कःयात नगद ग्वाहालिलिसें हनीगु खँ नेवाः जागरण मञ्च धाःगु दु ।
किपा :- रत्न मान महर्जन
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
