नेवाः देय् दबूया नायःपाखें खैरनीतारय् धिमेबाजं प्रशिक्षणया निरीक्षण
नेवाः देय् दबूया नायः नरेश ताम्राकारं तनहूँया खैरनीतारय् न्ह्यानाच्वंगु धिमे बाजं प्रशिक्षणया निरीक्षण यानादीगु दु । नेवाः देय् दबूया ग्वाहालिइ श्रीकृष्ण श्रीजनशील नेवाः खलःया ग्वसालय् न्ह्यानाच्वंगु प्रशिक्षण ज्याझ्वःलय् सुर्य नारायण महर्जनं प्रशिक्षण बियाच्वनादीगु दु ।
विविधताया दुने एकताया माध्यम नेपालभाषा जुयाच्वंथें, धिमे बाजं नं नेवाः एकताया प्रतिक जुगूलिइ तनहूँया नेवाःतय्त थुगु प्रशिक्षणं छधी छप्पँ यायेगु तधंगु भुमिका म्हितेत ताः लायेमा धंका नेवाः देय् दबूया नायः नरेश ताम्राकारं भिंतुना बियादिल ।
उगु प्रशिक्षण ज्याझ्वःलय् खैरनीतारया ३० म्ह प्रशिक्षार्थीतय्सं ब्वति काःगु खँ प्रशिक्षक सुर्यनारायण महर्जनं नेपालमण्डलयात कनादिल ।
More Stories Like this
कन्याम इलामय् नेपालभाषा कक्षा न्ह्यात धिमे बाजं व भाषा प्रशिक्षण ज्याझ्वः क्वचाल थुर्पुय् स्वक्वःगु लाखे प्याखँ धेधेबल्ला ओखलढुंगाय् नेपालभाषा कक्षा क्वचाल नेवाः देय् दबू ओखलढुंगा तदर्थ समिति स्वन
