‘वर्तमान राजनीतियात कयाः नेवाः सरोकार’ ज्याझ्वः जुइगु
नेवाः जागरण मञ्चया वंगु शनिवाः टोखाय् च्वंगु मुँज्यां मुँज्यां थ्वहे वइगु शनिवाः क्षेत्रपाटी पार्टी प्यालेसय् ‘वर्तमान राजनीतियात कयाः नेवाः सरोकार’ विषयक ज्याझ्वः यायेगु निर्णय याःगु दु ।
मञ्चया नायः सुजीव बज्राचार्यया सभापतित्वय् च्वंगु उगु मुँज्यां ख्वपय् मिं नाः पीडित जूपिं प्रजापति परिवारयात १५,५०० दां आर्थिक ग्वाहालि बीगु निर्णय याःगु दु । अथेहे जागरण मञ्चया न्याक्वःगु बुदिं थ्वहे वइगु चिल्लागाः सप्तमी खुन्हु तःजिक हनेगु निर्णय नं याःगु दु । मञ्चय् सक्रिय दुजः ल्याः अप्वयेकेगु व दुजः नविकरण यायेगु क्वःछ्यूगु दु ।
अथेहे बुद्ध धर्मया प्रचारक, भाषा जातिया सचेतक भिक्षुणी धम्मावती गुरुमांयात सम्मान ज्याझ्वः यायेगु निर्णय याःगु दु ।
