मिस नेवाः पोखराय् ब्वति काःपिंत देय् दबूया प्रशिक्षण
मिस नेवाः पोखराय् ब्वति कयादीपिं सकल मय्जुपिंत नेवाः देय् दबूं शुक्रवाः प्रशिक्षण बिउगु दु । येँ भ्रमणया झ्वलय् देय् दबूया केन्द्रीय ज्याकू थ्यंकूपिं मय्जुपिंत देय् दबूया पदाधिकारीपिंसं प्रशिक्षण बियादीगु खः ।
प्रशिक्षण बिइगु झ्वलय् नेवाः देय् दबूया संरक्षक मल्ल. के. सुन्दरं नेवाःतय्गु ऐतिहासिक पृष्ठभुमि, नेपाल संम्वत, नेवाःत दुने दुगु विविधता नापं नेवाः पहिचान धाइगु छू खः व थ्व झीत छाय् माः धाइगु विषयलय् ध्वाथुइकादीगु खः ।
अथेहे नेवाः देय् दबूया सल्लाहाकार डा. पुष्पराज राजकर्णिकारं नेवाःतय्गु विविधता दुने एकताया प्रतिक धाइगु नेवाः भाय् जुगूलिं नेवाः भाय् झीगु पहिचान खः धयादिल । वय्कलं झीगु पहिचान धइगु झीगु भाय् जुगूलिं नेवाः भाय् संरक्षण व प्रवर्द्धन यायेत इनाप यानादिल ।
अथेहे ज्याझ्वलय् देय् दबूया सल्लाहाकार ई. मोहन कृष्ण डंगोलं मिस नेवाः पोखराय् ब्वति काःपिं सकल मय्जुपिंत भिंन्तुना बियादीगु खः ।
ज्याझ्वलय् नेवाः देय् दबूया मध्यमाञ्चल न्वकू धर्मशोभा तुलाधरं मिस नेवाः पोखराय् ब्वति कःपिं सकलं मय्जु व ग्वसाः खलःया पदाधिकारीतय्त खादा क्वखायेकाः सम्मान यानादीगु खःसा मिस नेवाः पोखरायापाखें देय् दबूयात मतिनाया चिं लःल्हाःगु खः ।
नेवाः देय् दबूया न्वकू धर्मशोभा तुलाधरया नाइसुइ न्ह्याःगु ज्याझ्वलय् नेवाः देय् दबूया येँ जिल्ला कमितिया नायः न्हूछे महर्जन, बिधार्थी दबूया नायः रिश्सा श्रेष्ठ लगायतया नं ब्वति दुगु खः ।
Related Stories
मिस नेवाः पोखरा जुइगु "जिगु जेनेरेशनया नेवाः पासापिं मार्फत नेपालभाषाया उत्थान याये मास्ति वः" - रश्मिता नकःमि, मिस नेवाः पोखरा ११३२ रश्मिता नकर्मी मिस नेवाः पोखरा ११३२More Stories Like this
बाघ भैरवया भजन म्येँया म्यूजिक भिडियो सार्वजनिक दाफा भजन म्येँ नं आः म्यूजिक भिडियोय् श्रीच्छा प्रधानं त्याकल 'मिस नेपाल वर्ल्ड २०२३' या उपाधि नेपालभाषाया न्हूगु म्युूजिक भिडियो “याकः मिसाया छेँ खः झीगु किपू देयया प्यंगः थां” सार्वजनिक मिस नेवाः जिगु लुमन्ति व अनुभव
