फिलिपिन्सय् सुरक्षा व्यवस्थाय् तउच्च सतर्कता

सरकार विरोधी प्रदर्शनया तयारी जुयाच्वंगु इलय् थौं फिलिपिन्सं सुरक्षा व्यवस्थायात उच्च सतर्कताया अवस्थाय् तःगु दु । देय्या संविधान हाकनं च्वयेत गठबन्धन दलतलिसे मिलय् जुयाः राष्ट्रपति ग्लोरियो अर्रोयों न्ह्याकूगु पलाःविरुद्ध सर्वसाधारणया तं क्यनेत प्रभावशाली रोमन क्याथोलिक चर्चं नापं समर्थन प्राप्त विरोध प्रदर्शन कन्हय् यायेगु तयारी याःगु दु । वंगु वालय् फिलिपिन्सया संसदपाखें पारित जूगु छगू प्रस्तावय् देशय् आर्थिक वृद्धि तीव्र यायेत छुं निश्चित क्षेत्रय् विदेशीतय्त स्वामित्व अनुमति लिसेया बुंदा दुथ्याकेत सन् १९८७ या फिलिपिन्सया संविधानय् हिलेगु न्ह्यथनातःगु दु । सत्ताय् च्वनाच्वनेत थःगु पदाबधि ताःहाकः यायेगु अर्रोयाया गठबन्धनया कुतःया रुपं लिपांगु पलाः न्ह्याकूगु अनया राजनीतिक दलतय्सं धुकूमा याःगु दु । वर्तमान संविधानय् राष्ट्रपतिया पदाबधि खुदँया जुइगु ब्यबस्था दुगु व सन् २०१० या मे सं न्हूम्ह राष्ट्रपति निर्वाचित यायेमाःगु व्यवस्था दु ।

More Stories Like this