एशिया मेलाय् नेपाःया संस्कृति

थ्व हे वंगु फरवरी महिनाया निगूगु हफ्ता पाखे माने याइगु “चिनियातये न्हूदँ” या विही दं (Snake Year) या लसताय् ओरेगन राज्यया यूजिन शहरय् आयोजना जूगु २८ कःगु एशिया महोत्सवय् नेपाःयात म्हसिके बीगु ज्या जूगु दु । लुमंके बहःजू नेपाःया यें दें नाप यूजिन शहरया ‘सिस्टर सीटि’ कथं सन १९७५ निसें स्वापू दया च्वंगु दु ।

उगू मेलाय् नेपाः पाखे श्रीला बज्राचार्य, यशश्री बज्राचार्य, सेलिना बज्राचार्य पिन्सं हाकु पर्सी वसःपुना नेवाः म्ये चखुंचा चिरिचिर व शिर स्वां मेया लिधंसाय् हुलाप्याखं न्हयो ब्वःगु खः । स्वकुमि भाजु मय्जु पिन्त नेपाःया वातावरणय् मोहित यायेगु ज्याय् थुपिं स्वम्हं मयेजुपिं तसकंहे हिसि दयेक न्हापां खुसी प्याखं हुलाक्यंगु खः ।

अथेहे भुटानया शरणार्थी समूह पाखे राधिका भट्टराई, फूल संग्रौला, धन भट्टराई व कोपिला घिमिरे पिन्सं नं थःथःगु भायया म्येया आधार प्याखं हुला मेलाय् ब्वति काःवःपि सकसितं नेपाः लुमंकेगु ज्या च्वछाय् वःहःजू । उगु वाधौया न्हयब्वया ज्या ओरेगनया भाषा प्रशिक्षक दया शाक्य पाखें न्हयाका दिगु अले हुला प्याखंया तजविज यूजिन निवासी रमा बज्राचार्य व पोर्टलैण्डया गंगा भट्टराइपिं पाखे जूगु खः ।