देय् दबूया मध्यपश्चिमाञ्चल स्तरीय सहलह मुँज्या क्वचाल

नेवाः देय् दबूया मध्यपश्चिमाञ्चल स्तरिय सहलह मुँज्या क्वचाःगु दु । ने.स. ११३३ सिलाथ्वः पुन्हि कुन्हु मध्यपश्चिमातञ्चलया दाङ घोराहीलय् उगु सहलह मुँज्या क्वचागु खः ।

निगु चरणय् न्ह्यागु उगु ज्याझ्वलय् नेवाःतय्गु म्हसिकाया निंतिं देय् दबूं नेवाःतय्तं थःगु तजिलजि भाषा रितिथिति स्यनेगु ज्यायात निन्तरता बिइमाःगु खँ प्रतिनिधितय्सं तगु दु ।

अथेहे जिज्ञासा तयेगु झ्वलय् नेवाः राज्य बयेधुंकाः नेवाः राज्य पिनेच्वंपिं नेवाःतय्गु थाय् गु कथं जुइगु वा थाय् सुनिश्चित यायेत गु कथं भुमिका म्हितेगु ज्या जुयाच्वंगु दु धंकाः जिज्ञासा तयादिगु खःसा जिज्ञासाया लिस नेवाः देय् दबूया पदाधिकारीतय्सं बिइगु खः धाःसा दक्वं क्षेत्रयात छथ्या आवद्ध यायेत विधान संशोधन यानाः न्ह्यावनेगु खँ नेवाः देय् दबूया नायः भाजु नरेश ताम्राकारं धयादिगु खः ।

मुँज्याय् नेवाः देय् दबूया नायः नरेश ताम्राकार मुपाहाँ कथं झायादिगु खःसा देय् दबूया न्वकू बिजयप्रकाश तण्डुकार व दिपक शाक्य, देय् दबुया मूछ्याञ्जे रजनी मिला, छ्याञ्जे माइला बाबु द्योला, दुजः सुदर्शना दर्शनधारी व रमेशकुमार खेंधौमाकु श्रेष्ठ लगायतया ब्वति दुगु खः ।

More Stories Like this