देय् दबूया सुदुरपश्चिमाञ्चल स्तरीय सहलह मुँज्या क्वचाल
नेवाः देय् दबूया सुदुरपश्चिमाञ्चल स्तरीय सहलह मुँज्या क्वचाःगु दु । ने.स. ११३३ सिलाथ्वः त्रियोदसि कुन्हु सूदुरपश्चिमाञ्चलया महेन्द्रनगरय् उगु सहलह मुँज्या क्वचाःगु खः ।
मुँज्याय् सुदूरपश्चिमाञ्चलया नेवाःतय्सं थःगु नेवाः म्हसिकाया निंतिं साँस्कृतिक, भाषिक, साहित्यिक रूपं पुनः जागरण ज्याझ्वःत न्ह्याकेमाःगु खँय् बः बिउगु दु । अज्याःगु पुनः जागरण ज्याझ्वःयात नेवाः देय् दबूलिं सूदुरपश्चिमाञ्चलय् न्ह्याकाः ग्वाहालि यायेमाःगु नापं भाषा व तजिलजि स्यनेत प्रशिक्षक व्यवस्था यायेमाःगु बिचाः प्वंकूगु खः । अथेहे देय् दबूं जिल्ला जिल्लाया खलः पुचः नाप समन्वय यानाः माःगु कथं निर्देशन नं बिइमाःगु बिचाः मुँज्याय् ब्वति काःपिंसं प्वंकूगु खः ।
उगु मुँज्याय् ब्वति काःपिनि न्ह्यसःया लिस बिइगु झ्वलय् नेवाः देय् दबूया पदाधिकारीतय्सं जिल्ला नाप समन्वय यानाः व माःगु कथं ग्वाहालि यायेत थःपिं तयार जूगु खँ तःगु खः ।
मुँज्याय् नेवाः देय् दबूया नायः नरेश ताम्राकार मुपाहाँ कथं झायादिगु खःसा देय् दबूया न्वकू बिजयप्रकाश तण्डुकार, देय् दबुया मूछ्याञ्जे रजनी मिला, छ्याञ्जे माइला बाबु द्योला, दुजः सुदर्शना दर्शनधारी लगायतया ब्वति दुगु खः ।
मुँज्याय् सुदूर पश्चिमाञ्चलया न्वकू बिजय श्रेष्ठ, सूदुरपश्चिमाञ्चलपाखें कन्चन नेवाः समाजया नायः हरिनारायण श्रेष्ठ, भगवती नेवाः समाजया नायः सुरेन्द्र कुमार जोशी, नेवाः देय् दबू भगवती गुथिया गंगा माया श्रेष्ठ, भिमसेन गुथीया पुनम श्रेष्ठ, भैरव गुथी डडेल्धुराया पत्रकार भक्त बहादुर नगरकोटी, महालक्ष्मी गुथीया नायः पुस्कर कर्माचार्य लगायतया ब्वति दुगु खः ।
मुँज्या चक कुमार श्रेष्ठं न्ह्याकादीगु खःसा लसकुस न्वचु हिरामान श्रेष्ठं बियादिगु खः ।
More Stories Like this
कन्याम इलामय् नेपालभाषा कक्षा न्ह्यात धिमे बाजं व भाषा प्रशिक्षण ज्याझ्वः क्वचाल थुर्पुय् स्वक्वःगु लाखे प्याखँ धेधेबल्ला ओखलढुंगाय् नेपालभाषा कक्षा क्वचाल नेवाः देय् दबू ओखलढुंगा तदर्थ समिति स्वन
