छोरीमैंया मालेत दवावया निंतिं र्याली व धर्ना
छोरीमैंया महर्जन तंगु दच्छि क्यंगु झ्वलय् फागुन १६ गते सुथय् थनया बसन्तपुलीं बालुवाटार तक र्याली न्ह्याःगु दु । उगु र्यालीस सलंसं मनूतय्सं ब्वति कयाः न्यायया निंतिं राज्ययात इनाप नं याःगु खः । छोरीमैंया खोजी दवाव पुचलं न्ह्याकूगु उगु र्यालीस ब्वतिकाःपिंसं बालुवाटारस्थित प्रधानमन्त्री निवासय् धर्ना च्वनेगु ज्या नं याःगु खः ।
नेपालय् न्यायया सवाल तसकं हे नाजुक अवस्थाय् लानाच्वंगु धासें र्यालीस ब्वतिकाःपिंसं उकथंया कमजोर अवस्था बारे राज्ययात सतर्क जुइत थीथी नारा थ्वय्केगु ज्या जूगु खः । उगु र्यालीस नेवाः न्ह्यलुवाःपिं मल्ल के सुन्दर, तीर्थराम डंगोल, सुजीव बज्राचार्य, मंगला कारंजित श्रीकृष्ण महर्जन, राजभाइ जकःमि लगायत ज्यापु समुदाययापिं आपालं मिसा व मिजंतय्गु उल्लेख्य सहभागिता दुगु खः ।
खोजी दवाव पुचलं यक्व हे संघर्षया ज्या न्ह्याकेधंकूगु अवस्था खयां नं थौं तक नं छाय् लुइके मफयाच्वन थ्व तसकं हे रहस्यया विषय जुया वयाच्वंगु खँ र्यालीस ब्वतिकाःपिंसं धाःगु दु ।
अथेहे बुधवाः सनिलय् दवाव पुचलं दच्छि तक याःगु संघर्षया भिडियो क्यंगु खः । उगु भिडियो बसन्तपुली क्यने ज्या जूगु खः ।
Related Stories
बेपत्ता महर्जनयात सार्वजनिक यायेत दबाब र्याली पिथन बेपत्ता जुयाच्वंम्ह छोरीमैंया मालेत कन्हय् जनस्तरं सतकय् प्रदर्शन याइगु छोरीमैयाँ दवाब पुचलं प्रधानमन्त्रीयात ज्ञापन पत्र लःल्हात छोरीमैयाँ मालेत समिति नीस्वन, रिले अनसन स्थगित अदालतं छोरीमैयाँ छानबिन समितिया प्रतिवेदन फ्वन छोरीमैंया मालेत दच्छि तक याःगु संघर्षया किपा ब्वज्या
