आदिवासीतय्गु आधिकारया निंतिं प्रथाजनित परम्परागत संस्थाया संजाल निस्वन
नेपालया आदिवासी जनजातीया निंतिं परम्परागत संस्थाया छगु संजाल निस्वनिगु ज्या क्वचागु दु । उगु संजालं नेपालया आदिवासीतय्गु प्रथाजनित परम्परागत संस्थाया सवलिकरण सम्वन्धि स्वनु राष्ट्रिय कार्यशाला ज्याझ्वः अक्षेश्वर महाविहारय् क्वचागु खः ।
जातीय भेदभाव विरुद्ध राष्ट्रिय मञ्च (एनकार्ड) व नेपालया आदिवासीतय्गु मानवअधिकारया निंतिं वकिलपिंनिगु पुचः (लहुर्निप)या संयोजनय् जुगू उगु ज्याझ्वलय् माझी, थकाली, धिमाल, थारु, सन्थाल व नेवाः समुदायया परम्परागत संस्था (बडघर, मुखिया प्रणाली, गुथि, मझि सावा, मझी वाराड व माझीहि हडम) या प्रतिनिधितय्गु ब्वति ब्वति दु खः । ज्याझ्वःया लिपाःगु दिं आइतवाः कुन्हु प्रतिनिधितय्सं नेपालया आदिवासीतय्गु पराम्परागत संस्था समन्वय महासभा नां छगु अनौपचारिक संजाल दयेकुसें परम्परागत संस्था सवलिकरण यायेगु निंतिं थीथी खँलय् समझदारी व्यक्त याःगु दु ।
थुगु नेपालया आदिवासीतय्गु परम्परागत संस्थांया सशक्तिकरण, तालिम, जनचेतना सञ्जाल दयेकीगु ज्या याइ । नापं आदीवासी जनजातितय्गु परम्परागत संस्थाया म्हिसका सूचीकरण व गोलबद्ध यानाः राजनीतिक, कानूनी, प्रशासन व न्यायीक स्वायत्तता स्वशासनया अधिकार उपभोग यायेत प्रचारप्रसार यायेगु, व्यक्तिगत व सामुहिक अधिकारया सशक्तिकरणया क्षेत्रलय् थीथी ज्या यायेगु, आइएलओ महासन्धि नं १६९ व आदिवासीतय्गु अधिकारया निंतिं संयुक्त राष्ट्रसंघिय घोषणापत्रया प्रचार प्रसार यायेगु, मिसातय्तं प्राथमिकता बिइगु, व सवलिकरण यायेत थीथी ज्या यायेगु खँ धाःगु दु ।
ज्याझ्वलय् दक्षिण कोरियाया संगकोंगहोए विश्वबिध्यालय् आर्थिक ग्वाहालि जुगू खः।
Related Stories
Representatives of Nepal's indigenous governing institutions form an alliance to work for their rights
