पुलाम्ह सभासद् मंगलसिद्धिया मां मन्त
पुलाम्ह सभासद् प्रा. डा. मंगलसिद्धि मानन्धरया मां मायादेवी मानन्धर ८५दँया वैशय् आइतवाः मन्त । मदुम्ह मानन्धरया अन्तिम संस्कार आइतवाः हे कंगय् नेवाः विधिकथं जूगु दु । लामा धर्मय् तसकं रुचि दुम्ह मदुम्ह मायादेवीयात मंगलसिद्धि मानन्धरं मि तयादीगु खः । मदुम्ह मानन्धरया बिचाः हायेकेत कंग लागाय् नेपालभाषाया भापासेवी नापं राजनीतिक दलया नेतातय् उपस्थिति दुगु खः । उगु इलय् दीप न्ह्यःनेया फल्चाय् लामागुरुपिं पाखें मदुम्हेसित सुगति लाय्मा धइगु कामना यानाः पूजाआजाया नापं पाठ नं याःगु खः । मदुम्ह मायादेवीया मंगलसिद्धि मानन्धर छम्ह जक काय् खः ।
