पारसया स्वास्थ्य अवस्था तसकं गम्भीर
हृदयाघात जुयाः बैंककया समितिवेज सुखुम्भित अस्पतालय् वासः याकाच्वम्ह पुलांम्ह युवराज पारस शाहया स्वास्थ्य अवस्था तसकं गम्भीर जूगु खँ वासः यानाच्वंपिं डाक्टरतय्सं न्ह्यथंगु दु । शाहयात इन्डोस्कोपि याःगु दुसा प्वाथय् आन्तरिक रक्तश्राव जुयाच्वंगु धाःगु दु ।
अस्पतालं शनिवाः सनिलय् निक्वःखुसी विज्ञप्ती पिथंसें पारसया अवस्था तसकं गम्भीर जूगु न्ह्यथंगु दु । चिकित्सक कार्डियोलजिष्ट डा. सायन चीपुडोमवित, डा. पारिन्य कुनवित, डा. कुन्चित पियेभेचभिरातना व डा. सुरासक यानाः प्यम्ह डाक्टरतय्सं पिथंगु विज्ञप्ती शाहया अवस्था तसकं गम्भीर जूगु न्ह्यथनातःगु खः ।
अस्पतालं शनिवाः सुथय् पिथंगु न्हापांगु विज्ञप्तिइ शाहया स्वास्थ्य अवस्था गम्भीर जूसां स्थिर जूगु न्ह्यथंगु खः ।
