जगत सुन्दर ब्वनेकुथि २३ दँ क्यन

थनिं नीनिदँ न्ह्यःनिसें नेपालभाषाया माध्यमं ब्वंका वयाच्वंगु जगत सुन्दर ब्वनेकुथिं शनिवाः २३दँ क्यन । ब्वनेकुथिया बुन्हिया लसताय् शनिवाः ब्वनेकुथिया ब्वमिपिनिगु किपा ब्वज्या व मधुमेही सम्वन्धी स्वास्थ जाँच यायेगु ज्या जूगु खँ शिक्षिका सुनिता मानन्धरं धयादीगु दु । ब्वमिपिंसं किपाया ख्यलय् नं ल्हाः च्वन्ह्याकाः वनेमा धइगु खँयात प्राथमिकता बियाः न्ह्याकूगु थुगु ज्याझ्वस छगू तगिंनिसें थुगु ब्वनेकुथिस ब्वनावंपिं कलेजस्तरया ब्वमिपिनिगु किपा तकं दुथ्याकातःगु खः । मुक्कं ३५० पा किपा दुथ्याकूगु खः । नेपालभाषायात च्वन्ह्याका वनेगु मनंतुना थुगु ब्वनेकुथि स्वनेगु ज्या जूगु खःसा थौंकन्हय् थुगु ब्वनेकुथिस आपालं ब्वमिपिंसं तसकं हे अभिरुचिपूर्वक आखः ब्वनेगु यानाच्वंगु व एस.एल.सी. परीक्षाय् तकं बांलागु नम्वर हयाः इज्जततय्त ताः लाःगु दु ।