डब्लुएनओया अमेरिका च्याप्टर मुँज्या (लाइभ अपडेट)
वर्ल्ड नेवाः अर्गनाइजेशन (डब्लुएनओ) पाखे थीथी देसय् च्याप्टर दयेकेगु झ्वलय् संयुक्त राज्य अमेरिकाय् च्याप्टर दयेकेगु ताः तयाः थ्व इलय् न्हापांगु मुँज्या जुयाच्वंगु दु ।
मुँज्याय् क्वय् न्ह्यथना कथंया पाहांपिं दथुइ म्हसीका कालबिल जुयाच्वंगु दु ।
दया शाक्य, ओरेगन
सिजन श्रेष्ठ, मेरिल्याण्ड
नारायण राजभण्डारी, नर्थ क्यारोलाइना
राजेन मानन्धर, नेपाः
शाक्य सुरेन, नेपाः
प्रमेश श्रेष्ठ, टेक्सस
राजिश श्रेष्ठ, क्यालिफोर्निया
नारायण सोमनामे, क्यालिफोर्निया
सुभाषराम प्रजापति, वाशिङ्टन
वर्ल्ड नेवाः अर्गनाइजेशन (डब्लुएनओ) या न्वकु दया शाक्यं संस्थाया बःचा हाकःगु म्हसीका बियादिल ।
वर्ल्ड नेवाः अर्गनाइजेशन दर्ता व च्याप्टर दर्ताया बारे खँ न्ह्यानाच्वंगु दु । मुँज्यां वर्ल्ड नेवाः अर्गनाइजेशनया मू ज्याकू (हेड क्वार्टर) अमेरिकाय् हे जुइमाःगु बिचाः प्वंकूगु दु । थुगु खँयात वर्ल्ड नेवाः अर्गनाइजेशन केन्द्रीय कमिटीइ थ्यंकाः क्वःछिइ ।
थौंया मुँज्या अमेरिका च्याप्टरया लागि दया शाक्यया कजिसुइ नारायण राजभण्डारी व प्रमेश श्रेष्ठ दुथ्याःगु संयोजन समिति स्वनेगु ज्या जुल ।
डब्लुएनओया अमेरिकाया क्षेत्रीय सम्मेलन थ्वहे मे २७ तारिखय् डिसीइ यायेगु क्वःजित । थ्वलिसे मेगु ज्याखँ सुथां लाक्क न्ह्याकेत मार्च २७ मेगु मुँज्या यायेगु क्वःजित ।
