पूर्व युवराज पारसयात हृदयाघात, चिन्ताजनक अवस्थाय् वासः जुयाच्वन

पूर्व युवराज पारस शाहयात बैंककय् हृदयाघात जूगु दु । मंगलवाः बहनी हृदयाघात जुयाः चिन्ताजनक अवस्थाय् बैंककया समितिभेज अस्तालय् वय्‌कःया वासः जुयाच्वंगु दु ।

४२ दँया पारस छेँजःलिसे खँ मिले मजुइवं बैंककय् याकःचा च्वनाच्वंगु खः । बै‌कक च्वने न्ह्यः पारस सिंगापुरय् च्वनाच्वंगु खः । लुमंकेबहः जू, वंगु दँय् पारसयात अवैध लागू पदार्थ वेचविखनया आरोपय् फुकेटया प्रहरिं ज्वंगु खः ।