नेपाः सः वाःपौया नीन्यागू ल्याःया विशेष ज्याझ्वः
नेपाः सः वाःपौ नीन्यागू ल्याः थ्यंगु लसताय् थुगु वाःपौयात तिवः बियादीपिन्त हनापौ लः ल्हाय्ेगु ज्या नयां बजारया सासा व्याण्क्वेटय् छगू मुँज्याया दथुइ सोमवाः जूगु दु ।
उगु ज्न्याझ्वस मूपाहांया थासं साहित्यकार डा. पुष्पराज राजकर्णिकारं थुगु पत्रिकाय् विविधता दुगु तसकं बांला जूगु खँ न्ह्योथसें बजार व्यवस्थापनयात अझ बांलाक न्ह्याका यंकेमाःगुलिइ बः बियादिल । वय्कलं झीसं पत्रिका न्यानाः ब्वनेगु परिपाटीया विकास याना वनेमाः धासें पत्रिकाय् सुझावया तःधगु महत्व दयाच्वनी धयादिल ।
थुकथं हे ईलोहं प्रकाशनया प्रवन्ध निर्देशक नरेशवीर शाक्यं पत्रिकाय् झीगु म्हसीका दयाच्वनिगुलिं पत्रिकायात नेवाःतय्सं बांलाक स्वय्माःगु खँय् बः बियादिल । नापं पत्रिका वितरण समस्यायात चीकाः वनेमाःगु खँय् नं वय्कलं बः बियादिल । थुकथं हे सन्ध्या टाइम्सया सम्पादक सुरेशकिरण मानन्धरं नेपाः सः वाःपौ व्यवस्थापकपिन्सं आः पाठक बढे याय्गु दायित्व कः घानाः न्ह्योचिली धैगु आशा नं कयादिल । थुकथं हे मुँज्याय् बाल अधिकारवादी डा. विजय सैंजुं ल्यासे ल्याय्म्हतय्गु यौनया खँयात भचा म्हो याय्माःगु सुझाव बियादिल । नुगः खँ प्वंकेगु झवलय् समाजसेवी विजय बहादुर मालीं नेपालभाषाया पत्रिकायात सुथां लाक्क न्ह्याका वनेमाःगुलिइ बः वियादिल ।
प्रा.लि.या महाप्रवन्धक सुरेन्द्र तुलाधरं सुभाय् न्वचु बिसें थ्व पत्रिकायात आः नेवाःतय्गु छेंय् छेंय् थ्यंकेगुलिइ माःकथं पलाः न्ह्याकेगु नं धयादिल ।
झीगु नेपाः पब्लिकेशन प्राःलि.या नायो नियमराज राजोपाध्यायं लसकुुस न्वचु बियाः पूर्णिमा शाक्यं ज्याझ्वः न्ह्याकूगु खःसा नेपालभाषाया आपालं भाषासेवीया नापं कलाकारतय्गु नं उपस्थिति दुगु खः ।
किपाया लागि थन क्लिक यानादिसँ
