जेठ २२ गते संविधान सभाया चुनाव

थ्व हे वइगु जेठ २२ गते संविधानसभाया निगूगु चुनाव जुइगु घोषणा जूगु दु । थुकिया लागि प्रधानन्यायाधीश खिलराज रेग्मीया नेतृत्वय् चुनावी सरकार गठन याइगु जूगु दु । एमाओवादी, कांग्रेस, एमाले व मधेसी मोर्चाया सोमबाः च्वंगु बैठकं थ्व खँ सहमति जूगु खः ।

चुनावया लागि प्रधानन्यायाधीशया नेतृत्वय् अप्वलय् ११ सदस्य दुगु ‘अन्तरिम चुनावी मन्त्रिपरिषद्’ गठन याइगु धाःगु दु । उगु सरकारया नेतृत्वया लागि प्रधानन्यायाधीश रेग्मीयात कन्हय् औपचारिक इनाप याइगु जूगु दु ।