ह्युमतय् ३६५ म्ह मस्तय्त कुमार पुजा

ह्युमत मिसा पुचःया ग्वसालय् ३६५ म्ह मस्तय् कुमार पुजा शनिवाः ह्युमतय् याःगु दु ।

सिथि द्यः अर्थात कुमार पुजा परम्परानिसें न्ह्याका वयाच्वंगु धर्म संस्कृतियात निरन्तरता बिया लःया महत्व व संरक्षण यायेगु बारे जनचेतना अभिवृद्धि यायेगु कथं पुजा ज्याझ्वः न्ह्याकूगु खँ ग्वसाः खलकं धाःगु दु । नापं पर्यटकीय दृष्टिकोणपाखे नं चर्चित ऐतिहासिक, सांस्कृतिक व धर्मिक क्षेत्र दुगु ह्यूमत टोलया महत्वबारे जनमानसय् चेतना अभिवृद्धि यायेगु अभिप्रायं थुगु कुमार पुजा यानागु खँ धाःगु दु ।

थुगु कुमार पुजा यायेया निंतिं न्हूघः व किलागःया सिथि द्यःया थाय् बाजं थाना वना पुजा आजा यानाः ३६५ म्ह मस्तय्त तकं दर्शन याकेगु ज्या जूगु खः । उत्साह जनकरुपं ह्याकूगु थुगु कुमार पुजाय् आपालं भत्तजनपिंसं थःथःगु आस्थाकथं मस्तय् थीथी सामग्री नं देछाय्गु ज्या याःगु खः ।

नेपाःया थःगु हे विशिष्ट कथंया म्हसीका कःघागु थीथी प्रकृति व संस्कृति नापं सम्वन्धित जुयाच्वंगु कुमार द्यःयात स्थानीय नेवाःतय्सं सिथि द्यःया कथं पुजा यानाः वयाच्वंगु दु । थुक थंया ज्याझ्वलं नेवाःत धार्मिक सवालय् गुलि च्वन्ह्याःपिं खः धकाः क्यंगु दु ।

More Stories Like this