ज्यापु समाजपाखें बृद्धाश्रम दयेकीगु
ज्यापु समाज यलपाखें यलया ओबुइ दयेकेत्यंगु बृद्धाश्रम भवनया शिलान्यास ज्याझ्वः शुक्रवाः क्वचाःगु दु ।
जग्गादाता भाजु अष्टमान महर्जनपाखें बियादीगु १-१३-०-० व ५० लखया आर्थिक ग्वाहालिइ दयेकेत्यंगु उगु भवन दयेकेत अनुमानित १० करोड खर्च जुइगु खँ ग्वसाः खलकं धाःगु दु । निगु चरणय् सम्पन्न जुइगु भवनय् मुक्कं ११० खाताया व्यवस्था दइगु व बृद्धाश्रम मुक्कं क्षेत्रफल २१७७४ वर्ग फिटया दइ ।
ज्यापु समाज यलया नायः मंगल महर्जनया नायसुइ न्ह्याःगु उगु ज्याझ्वलय् मुपाहाँ कथं भारतीय राजदुतावासया डेपुटी चिफ अफ मिसनया जयदीप मजुम्दारं बृद्धाश्रमया शिलान्यास यानादीगु खः । तीर्थलाल महर्जनं लसकुस न्वचू बिया न्ह्याःगु ज्याझ्वलयात सन्तमान महर्जनं न्ह्याकादीगु खः ।
ज्याझ्वलय् नेपालभाषा एकेडेमीया चान्सलर सत्यमोहन जोशी, नेवाः देय् दबूया नायः नरेश ताम्राकार, ज्यापु समाज यलया निवर्तमान पदाधिकारीपिं व थीथी व्यक्तित्वया ब्वति दुगु खः ।
किपा : सुरज ब्यञ्जनकार
News Location:
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
