थ्री स्टारयात निक्वःगु उदयपुर गोल्डकपया उपाधि

थ्री स्टार क्लबं उदयपुर गोल्डकप फुटबलया उपाधिया रक्षा याःगु दु । साविक विजेता थ्री स्टारं हिमालयन शेर्पा क्लबया बुकाः उगु उपाधि रक्षा याःगु खः ।

गाईघाटय् विहिवाः जूगु फाइनल कासाय् हिमालयन शेर्पायात थ्री स्टारं १ गू गोलं याःगु खः । कासाया न्हापांगु मिनेटय् हे भिक्टरं याःगु गोल हे निर्णायक जूवंगु खः । थ्री स्टारया थुगु उपाधिया नापनापं १ गू लख ५० द्वः तका त्याकूगु दुसा उप विजेताय् सीमित जूगु हिमालयन शेर्पां १ गू लख तकाय् चित्त बुझेयाये माल ।

प्रशिक्षक प्रदीप हुमागाईं नेतृत्व याःगु लिपा थ्रीस्टारया लागि थ्व निगूगु उपाधि खः । थ्व स्वयां न्ह्यः पोखराय् जूगु आहा रारा गोल्ड कपया उपाधि नं त्याकूगु खः ।

More Stories Like this