नेपाः राष्ट्रिय पार्टीया महाधिवेशन क्वचाल

नेपाः राष्ट्रिय पार्टीया न्हापांगु महाधिवेशन न्हूगु नेतृत्व ल्ययाः क्वचाल । महाधिवेशनं पुलाम्ह नायः नापं विज्ञान प्रविधि व वातावरण मन्त्री डा. केशवमान शाक्ययात सर्वसम्मतं पार्टीया न्हूम्ह नायः पदय् हानं ल्यःगु खः । शाक्यया नेतृत्वय् ४६ दुजः दुगु कार्यसमितिया पद विभाजन याःगु दु ।

यलया ज्यापु प्रज्ञा भवनय् जुगू बन्द सत्रं पार्टीया राजनीतिक सिद्धान्तया कथं जनताया राष्ट्रवादय् आधारित मिश्रित आर्थिक राजनीतिक सिद्धान्तयात पारित याःगु दु धाःसा क्षेत्रीय सामर्थ्यताया आधारय् ५ प्रान्त व जातीय पहिचान दुथ्यागु १६ राज्य दइगु कथं राज्य पुनर्संरचनाया अवधारणा न्ह्यब्वःगु दु ।

उगु महाधिवेशनं केन्द्रीय दुजः पदय् नरेशवीर शाक्य, सुवर्णकेशरी चित्रकार, डा. रमेशकुमार श्रेष्ठ, डा. विजय सैंजु, सुरेश प्रधान, हरशिंकर रंजितकार, केदार चित्रकार, किरण शाक्य, बुद्ध साय्मि, भूषणप्रसाद श्रेष्ठ, भरत साःमि, राजा शाक्य, नारद वज्राचार्य, कस्तुरी श्रेष्ठ, रामशरण साय्मि, जियम श्रेष्ठ, ज्ञानराम श्रेष्ठ, रमेशरत्न स्थापित, मनोज नेवाः, पुष्परत्न शाक्य, गौरी श्रेष्ठ, गंगाबहादुर जोशी, शिवराम अमात्य, सानुदेवी प्रजापति, शान्तप्रकाश श्रेष्ठ, विष्णुप्रसाद श्रेष्ठ, पुष्परत्न तुलाधर, भूप्रकाश जोशी, काजिरत्न शाक्य, माधव स्यस्यः, कृष्णहरि महर्जन, अनिल सुवाल, महेशमान डंगोल, मदन तण्डुकार, रमेशकाजी स्थापित, रिजु श्रेष्ठ, पशुपतिकुमार माथेमा, सजिना मानन्धर, ज्योतिप्रकाश शाक्य, रत्नबहादुर वज्राचार्य, उत्तमलाल जोशी, उत्पला तुलाधर, अन्जिता खड्गी, भीम प्रधान, विजयरत्न असंबरेया सर्वसम्मतं ल्यःगु खः ।

More Stories Like this