जोकोभिकपाखें उपाधिया रक्षा

मेलबर्नय् न्ह्यानाच्वंगु थुगुसिया न्हापांगु ग्राण्डस्लाम टेनिस अष्ट्रेलियन ओपनया उपाधि नोभाक जोकोभिकं त्याकूगु दु । साविक विजेता जोकोभिकं स्वंगूगु बरियताया नापं यू.एसं ओपन च्याम्पियन एण्डी मुर्रेयात बुकाः उपाधि रक्षा याःगु खः ।

मेलबर्नया रोड लेभर एरिनाय् आइतवाः जूगु कासाय् शीर्ष बरियताया जोकोभिकं न्हापांगु सेट ६-७ या ल्याखं मुर्रेयात लःल्हाःगु खःसा नं व लिपा लगातार ७-६, ६-३ व ६-२ या ल्याखं स्वंगू सेटं बुकाः कासा थःगु पक्षय् लाकूगु खः ।

थुगु टेनिसया मिसातय्गु उपाधि बेलारुसया भिक्टोरिया अजारेन्कां त्याकूगु खः ।

More Stories Like this