मुर्रे अष्ट्रेलियन ओपन टेनिसया फाइनलय्

उपाधिया लागि साविक विजेता जोकोभिक लिसे धेंधेंबल्ला याइगु
स्वीस कासामि रोजर फेडररयात बुकाः ब्रिटीस कासामि एण्डी मुर्रे अष्ट्रेलियन ओपन टेनिसया फाइनलय् दुहांवंगु दु ।

यू.एस. ओपन च्याम्पियन मुर्रें निगूगु तःधंगु टेनिस उपाधि त्याकेगु लँपुइ वनाच्वंगु दुसा आः फाइनलय् साविक विजेता नोभाक जोकोभिक लिसे उपाधिया लागि धेंधेंबल्ला याइ ।
निगूगु सेमिफाइनल कासाय् १७ क्वः तकया ग्राण्डस्लाम टेनिस विजेता रोजर फेडररयात ६-४, ६-७, ६-३, ६-७ व ६-२ या न्यागू सेटं बुकाः फाइनलय् थःगु थाय् दयेकूगु खः ।

सन् २००८ य् यू.एस.ओपन फाइनलय् व वंगु दँय् विम्बल्डनया फाइनलय् फेडररलिसे बूगुया बदला नं कायेत ताःलाःगु दु ।

More Stories Like this